16 наурыз, жексенбі күні қазақстандық жартылай ауыр салмақтағы аралас жекпе-жек шебері Дияр Нұрғожай (10-0) UFC-дегі алғашқы жекпе-жегін өткізеді.
Қазақстандық спортшының қарсыласы Бразилиядан келген Брендсон Рибейро (16-7) болады. Кездесу АҚШ-тың Невада штатында, Лас-Вегаста өтетін UFC Fight Night 254 турнирінде ұйымдастырылады.
Бірақ жекпе-жек қарсаңында өткен салмақ өлшеу рәсімінде Нұрғожай белгіленген 93 кг лимитіне бірден сыя алмады. Оның бастапқы көрсеткіші 95,48 кг болды. Салмақ өлшеу рәсімінің бейнежазбасын төменде көруге болады.
Енді Дияр тағы да салмақ өлшеу рәсімінен өтеді немесе қарсыласының пайдасына айып тағылады.
Дияр Нұрғожай соңғы рет 2023 жылдың қазан айында "Дана Уайттың Претенденттер сериясында" өнер көрсетіп, поляк файтері Бартош Шевчикті (8-4-1) екінші раундта нокаутпен жеңді.
Брендсон Рибейро октагонға соңғы рет 2024 жылдың қараша айында шықты. Ол өз отандасы Кайо Мачадоны (8-4-1) төрешілердің бөлек шешімімен жеңді.
