Ханчжоу қаласында каратэден премьер-лига санатындағы 2025 жылдың екінші жарысы аяқталды.
Қазақстан каратэ федерациясының мәліметінше, бұл аталған спорттағы ең беделді турнир. Себебі байрақты бәсекеге рейтингтегі тек TOP-32 спортшы қатысады. Айтулы жарыста Қазақстан құрамасының 3 спортшысы кумите бағдарламасында жүлдеге қол жеткізді.
Топта барлық қарсыласын ұтқан тұңғыш әлем чемпионы Мөлдір Жаңбырбай финалда Алжир спортшысына есе жіберіп, күміс жүлдені місе тұтты. Ал жартылай финалда сүрінген Әсел Қанай мен Софья Берульцева кіші финалда қарсыласын ұтып, қола медаль еншіледі.
Осылайша қазақтың каратэші қыздары Қытайда 1 күміс, 2 қоланы қоржынға салды.
