Жуырда Саламат Исбулаевтың жаңа төлқұжатпен түскен суреті әлеуметтік желіде жарияланған болатын.
Ресейлік аралас жекпе-жек шебері, этникалық қазақ Саламат Исбулаев (8-0) Қазақстан азаматтығын алды. Спортшы Орынбор өңірінің тумасы, алайда соңғы бірнеше жылдан бері Қазақстанда тұрып, турнирлерге қазақтың көк туымен қатысып жүр.
28 жастағы файтердің Қазақстан төлқұжатын алғаны туралы ақпарат Instagram парақшаларында пайда болды. Онда Саламаттың жаңа төлқұжатпен түскен суреті жарияланған.
Саламат Исбулаев MMA-де бас-аяғы 8 жекпе-жек өткізіп, барлығында жеңіске жеткен. Оның мансабындағы ең жарқын сәттердің бірі – ресейлік файтер Муслим Нурмагомедовпен болған жекпе-жек. Бұл кездесуде Саламат қарсыласын нокаутқа түсіріп, Alash Pride FC чемпионы атанды.
