Қазақстан құрамасы Бразилияның Фос-ду-Игуасу қаласында өтіп жатқан World Boxing ұйымының әлем кубогын сәтті бастады. Додада ел намысын қорғап жатқан Нұрсұлтан Алтынбек алғашқы жекпе-жегінде жеңіске жетті.
55 келіге дейінгі салмақ дәрежесінде сынға түскен Нұрсұлтан 1/8 финалда жергілікті фаворит, бразилиялық Михаэль Триндадемен рингке шықты. Қарсыластың өз жерінде өнер көрсетіп жатқанына қарамастан, қазақстандық боксшы төрешілердің 4:1 есебімен сенімді жеңіске жетіп, ширек финалға жолдама алды.
Еске сала кетейік, Бразилиядағы әлем кубогында Қазақстан құрамасының намысын сегіз боксшы қорғайды. Сонымен қатар әйелдер арасында боксшылар үш салмақ дәрежесінде сынға түседі.
