Қазір отандасымыз үздік 23 файтер тізімін түйіндеп тұр.
Қазақстандық ММА спортшысы Қаршыға Дәуітбек (18 жеңіс, 3 жеңіліс) Fight Matrix рейтингісінде 42 сатыға жоғарылап, 23-орынға көтерілді. Бұл жетістікке ол бұрынғы Rizin чемпионы, жапондық Чихиро Судзукиді (13-5) жеңгеннен кейін жетті.
Бұл жекпе-жектің нәтижесі Fight Matrix платформасындағы салмақ дәрежесінің теңгерімін өзгертіп жіберді.
Алдағы уақытта Қаршыға Дәуітбек Rizin ұйымының қазіргі чемпионы Клебер Койке Эрбстпен кездесуі мүмкін. Бразилиялық файтер 13-орында тұр және бұл кездесу Қаршыға үшін жаңа белес болуы ықтимал.
