Бүгін, 3 сәуір күні, Астанада Жәнібек Әлімханұлы мен Анауэль Нгамиссеннің қатысуымен баспасөз мәслихаты өткен болатын.
5 сәуірде Астанада өтетін кәсіпқой бокс кеші қарсаңында Жәнібек Алимханұлына қарсы жекпе-жекке шығатын француз боксшысы Анауэль Нгамиссенге қазақтың ұлттық тағамына қатысты пікір білдірді. Боксшы әзірге қазақ тағамдарынан дәм татпағанын, бірақ салмақ өлшеу рәсімінен кейін міндетті түрде дәмін көретінін айтты.
«Сіздердің тағамдарыңыз өте дәмді екенін естідім. Бірақ әзірге дәмін татып үлгермедім. Қазіргі таңда Франциядағыдай тағамдармен тамақтанып жүрмін. Салмақ өлшеу рәсімінен кейін міндетті түрде қазақтың ұлттық тағамдарынан дәм татамын», – деді Нгамиссенге.
Анауэль Нгамиссенге мен WBO және IBF тұжырымдары бойынша орта салмақтағы әлем чемпионы Жәнібек Әлімханұлы арасындағы басты жекпе-жек 5 сәуір күні Астанадағы «Барыс Аренада» өтеді. Бұл кеште қос боксшының арасында Әлімханұлына тиесілі екі чемпиондық белбеу сарапқа салынады.
Айта кетейік, аталған бокс кешінде Әлімханұлынан бөлек, тағы 7 қазақстандық былғары қолғап шебері қолғап түйістіреді.
