Лука Модрич ресми түрде "Милан" үшін дебют жасады (ВИДЕО)
Хорватияның әйгілі жартылай қорғаушысы Лука Модрич "Милан" сапындағы алғашқы ресми кездесуін өткізді. Италия кубогы аясында өткен матчта "россонеридің" қарсыласы "Бари" болды. Туриндік командаға қарсы ойында миландықтар 2:0 есебімен жеңіске жетті.
Тарихтағы ең тәжірибелі дебютанттардың бірі
Бұл ойын Модрич үшін тек дебют қана емес, клуб тарихындағы маңызды белеске айналды. 39 жас 342 күнінде алаңға шыққан хорват, "Милан" тарихындағы ең жасы үлкен дебютанттардың бірі болды. Осы арқылы ол әйгілі Филиппо Индзагидің рекордын жаңартты. Индзаги 2012 жылы "Новараға" қарсы соңғы ойынында 38 жас 278 күнінде алаңға шыққан еді, деп жазады Footboom1.
"Милан" ардагерлерінің қатарына қосылды
"Милан" тарихында ең жасы үлкен ойыншы мәртебесі әлі күнге дейін Златан Ибрагимовичке тиесілі. Швед шабуылшысы 41 жас 166 күнінде алаңға шыққан болатын. Сондай-ақ, Алессандро Костакурта мен Паоло Мальдини есімдері де бұл тізімде ерекше орын алады. Енді солардың қатарына Лука Модрич те қосылды.
Ойын барысы
Кездесуді Модрич қосалқы құрамда бастап, 66-минутта америкалық жартылай қорғаушы Кристиан Пулишичтің орнына алаңға шықты. Хорват жанкүйерлерінің қолдауымен өзінің алғашқы минуттарын өткізді.
"Реалдан" "Миланға" дейінгі жол
Еске сала кетейік, биылғы жазда Лука Модрич мадридтік "Реалды" тарихтағы ең көп жүлде жеңіп алған ойыншы ретінде тастап кеткен болатын. Оның кетуімен бірге, мадридтік клубта жаңа дәуір басталды. Англиялық жас жұлдыз Джуд Беллингем испандық БАҚ-қа берген сұхбатында "Реалда" жаңа көшбасшының пайда болғанын атап өтті.