Гвардиола «Сити» ойыншыларын Рафаэль Надальмен салыстырды

«Манчестер Сити» бас бапкері Хосеп Гвардиола командасының тығыз кестесіне және жарақаттар мәселесіне байланысты ойыншылардың ауыртпалыққа қарамастан ойнау қажеттігін айтты.

Каталондық маман мысал ретінде мансабында көптеген жарақаттармен ойнап, жеңіске жеткен испандық теннисші Рафаэль Надальды келтірді. 

«Кейде жарақаттардан кейін абай болу керек жағдайлар болады, бірақ кейде денсаулық мәселелеріне қарамастан ойнау қажет. Рафа Надаль ауыртпалықпен ойнап, «Үлкен дулыға» сериясының турнирлерінде жеңіске жеткен. Қазіргі футболда да осындай жағдайлар кездеседі, әйтпесе сіз топ-клубтың әр үш күн сайын өтетін матчтар кестесіне төтеп бере алмайсыз», — деді Хосеп Гвардиола.