Қазақстандық боксшы күтпеген жерден АЧ финалына жолдама алды
Бангкокта (Таиланд) өтіп жатқан жастар мен 22 жасқа дейінгі боксшылар арасындағы Азия чемпионатында Қазақстан тағы бір финалиске ие болды.
Финалға күрессіз шыққан қазақстандық
65 келі салмақта ел намысын қорғап жүрген Илья Калинин жартылай финалдағы жекпе-жегін өткізбеуге мәжбүр болды. Оның қарсыласы Филиппин боксшысы Марк Эшли Фахардо кездесуге аз уақыт қалғанда бас тартқан. Бұл туралы ресми түрде Қазақстан бокс федерациясының баспасөз қызметі хабарлады.
Осылайша Илья Калинин жекпе-жексіз финалға өтті, ал оның қарсыласы АЧ-2025 турнирінің қола жүлдегері ретінде танылды.
Бұл турнир — бокстағы жаңа дәуірдің бастауы
Атап өтерлігі, Бангкоктағы жастар арасындағы Азия чемпионаты — World Boxing ұйымы өткізген алғашқы құрлықтық дода. Бұл дода — қазіргі уақытта әлемдегі ең өзекті спорттық реформалардың бірі болып саналатын тәуелсіз бокстың жаңа бетбұрысы.