Темірлан Мұқатаев – Азия чемпионы! Қазақстан мен Өзбекстан арасындағы ауыр салмақтағы шайқас шешуші болды (ВИДЕО)

Сұлтан Данияр

Сарапшы, спорт журналисі

11.08.2025, 14:10

Бангкокта (Таиланд) өтіп жатқан 2025 жылғы жастар арасындағы Азия чемпионатының (U22) финалдық сессиясында Темірлан Мұқатаев алтын медаль иеленді.

Instagram/@boxingkazakhstan

90 келіге дейінгі салмақ дәрежесінде Темірлан Мұқатаев өзбекстандық Шахзод Полвоновпен алтын үшін айқасқа шықты.

Тартысты өткен жекпе-жекте Мұқатаев бөлек шешіммен жеңіске жетті. Осылайша ол тарихи чемпионаттың жеңімпазы атанды.

Полвонов күміс жүлдені қанағат тұтты.

2025 жылғы жастар арасындағы Азия чемпионаты – World Boxing ұйымының тарихтағы алғашқы құрлықтық біріншілігі.

Бұған дейін турнир аясында 19 жасқа дейінгі спортшылардың финалдық жекпе-жектері өткен болатын.

Теги:

Өзбекстан Азия чемпионаты Қазақстан жастар құрамасы Бангкок Темірлан Мұқатаев

Алдыңғы жаңалық

Келесі жаңалық