Жанқош Тұраров Мұхаммед Әлидің немересіне үн қатты
Бұл туралы спортшы өзінің әлеуметтік желідегі парақшасында хабарлады.
Қазақстандық кәсіпқой боксшы Жанқош Тұраров АҚШ-тағы оқу-жаттығу жиыны кезінде аңыз боксшы Мұхаммед Әлидің немересі Нико Әли Уолшпен кездесті. Бұл туралы спортшы өзінің әлеуметтік желідегі парақшасында хабарлады.
Екі боксшы Лас-Вегастағы әйгілі Top Rank залында жолыққан. Қазіргі уақытта олар осы жерде алдағы жекпе-жектеріне дайындық жүргізіп жатыр.
Жанқош Тұраров кездесуден кейін Нико Әли Уолшқа қатысты жылы лебізін білдірді:
"Әлемге әйгілі аңыз Мұхаммед Әлидің немересі — Нико Әли Уолш. Тарихта аты қалған әулеттің жалғасы. Оған алдағы мансабында үлкен жетістіктер тілеймін", — деп жазды ол.
Нико Әли Уолш туралы
25 жастағы америкалық боксшы орта салмақта өнер көрсетеді. Кәсіби рекорды: 12 жеңіс — 2 жеңіліс — 1 тең (5 КО). Ол — әлемдік бокстың ең ірі тұлғаларының бірі Мұхаммед Әлидің немересі.
Өз кезегінде Жанқош Тұраров кәсіби рингте жеңіліс көрмеген боксшылардың бірі:
- Рекорд: 29 жеңіс — 0 жеңіліс (20 КО)
- Салмақ дәрежесі: бірінші жартылай орта салмақ