Алмас Өтешов кинода дебют жасады (ВИДЕО)

"Бала күнгі арманым орындалып жатыр"

Өзінің Instagram парақшасында Алмас Өтешов актерлік дебюті жайлы жазды. Ол "Байгайстан"деп аталатын отандық фильмге түскенін қуанышпен жеткізді:

"Жәй-жәй бастап жатырмын. "Байгайстанда" бақ сынадым. Киноға түсу – бала күнімнен келе жатқан арманым. Ол да орындалып жатқан сияқты, шүкір!", – деп жазды ол.

Жанкүйерлерден жылы пікірлер

Әлеуметтік желі қолданушылары танымал спортшының жаңа бағытына қолдау білдіріп, жылы лебіздерін қалдырды:

• "Осы бетіңнен қайтпа, бауырым! Бүкіл ел болып сені қолдаймыз. Төрге шығатыныңа еш күмән жоқ!" 
• "Кино-пино, ән-би, штанг-мштанг – ұра бер, бір жерден жарып шығасың!" 
• "Таза әртіс екенсің ғой!" 
• "Сәттілік тілеймін" 

Желі қолданушылары актерлік қабілетіне тәнті болып, оның болашақта үлкен рөлдерді сомдайтынына сенім білдірді.

Ішімдікті тастаған сәтінен кейінгі жаңа өмір

Айта кетейік, бұған дейін Алмас Өтешов 6 айдың ішінде алкогольден қалай бас тартқаны жөнінде ашық айтқан. Бұл оқиға оның жаңа өмірге қадам басуына серпін бергені анық.