Қазақстандық шоу-бизнестегі ең танымал жұптардың бірі – әнші Қайрат Нұртас пен актриса Жұлдыз Әбдукәрімова отбасында қуанышты жаңалық болды. Жұлдыз бесінші рет ана атанды.
Актриса сүйінші жаңалықты Instagram-парақшасында жариялады. Ол аяғы ауыр кезіндегі сәттер мен жаңа туған сәбимен түскен видеоны көрсетіп, астына қысқа ғана:
"Жаңа тынысым" – деп жазды.
Бұл хабар желі қолданушылары арасында үлкен резонанс тудырды.
Желі қолданушылары жұлдызды жұпты жарыса құттықтап, жылы лебіздерін білдіруде:
Алайда Жұлдыз Әбдукәрімова сәбиінің жынысын әзірге құпия ұстады.
Бұл – Қайрат пен Жұлдыздың бесінші баласы. Бұған дейін олардың екі ұлы мен екі қызы бар. Жаңа туған сәби жұлдызды отбасының бақытын еселеп, қалың көпшілікке қуаныш сыйлады.
