Күнделікті өмірімізде міндеттер саны мен олардың күрделілігі көбейген сайын, стресс деңгейі де жоғарылайды. Мұндай жағдайда дұрыс тайм-менеджмент (уақытты басқару) жүйесін қолдану — денсаулық пен өнімділіктің кепілі.
Күн сайын атқаратын істердің қысқа әрі нақты тізімін жасаңыз. Тізімге тек сол күні орындауға болатын міндеттерді енгізген жөн. Бұл тәсіл бақылауды күшейтіп, уақытты ысырап етпеуге көмектеседі.
АҚШ-тың бұрынғы президенті Дуайт Эйзенхауэр ұсынған әдіс істерді маңыздылығы мен жеделдігіне қарай бөлуге көмектеседі:
Ірі жобаларға кірісерде, оларды бірнеше қарапайым қадамға бөліңіз. Бұл жауапкершілік сезімін жеңілдетіп, мотивацияны арттырады.
Әр тапсырмаға нақты уақыт бөліңіз. Мысалы, 25–50 минут жұмыс жасап, 5 минуттық үзіліс жасауды қамтитын «Помидор» әдісін қолданыңыз. Төрт циклдан кейін ұзақтау демалыс (15–20 минут) қажет.
Жұмыс уақытыңызда әлеуметтік желілер мен мессенджерлердің хабарламаларын өшіріп тастаңыз. Хаттарға немесе қоңырауларға жауап беруді күніне белгілі бір уақытқа жоспарлаңыз.
Apple компаниясының негізін қалаушы Стив Джобстың сөзі бар: «Назар аудару — қажетсіз нәрселерге “жоқ” деп айту». Артық міндеттерді қабылдаудан бас тартып, негізгі жұмысыңызға көңіл бөлген дұрыс.
Стэнфорд университетінің зерттеуі бойынша, көп міндетті қатар атқару (многозадачность) өнімділікті төмендетеді. Біздің миымыз бір уақытта тек бір іске бағытталған кезде ғана тиімді жұмыс істейді.
Үзілістерді тек кофе ішумен емес, жеңіл дене жаттығуларымен, серуенмен немесе қысқа медитациямен толықтырыңыз. Бұл энергияны қалпына келтіреді және ойды сергітеді.
Әркімнің ең белсенді кезеңі әртүрлі. Кейбір адамдар таңғы уақытта тиімді жұмыс істесе, басқалар кешкісін өнімді. Өз биоритміңізге бейімделіңіз.
Негативті ақпаратты шектеңіз — уақытыңызды «жағымсыз» адамдарға жұмсамаңыз.
