WADA тексерген жоқ: Сіз ішіп жүрген БАД қауіпсіз бе?

Зерттеулерге сәйкес, сатылымдағы ББҚ-ның шамамен 28%-ы тыйым салынған заттарды қамтиды. Бұлар көбіне стимуляторлар, диуретиктер, эйфоретиктер және анаболиктер. Мысалы:

• «Энергия беретін спорттық қоспалар» – стимуляторлар;
• «Артық салмақты азайтатын қоспалар» – диуретиктер (әсіресе фуросемид);
• «Протеин» – анаболикалық стероидтар.

БАД – допинг емес, бірақ допингке әкелуі мүмкін

WADA (Дүниежүзілік допингке қарсы агенттік) ББҚ-ларды ресми түрде сертификаттамайды. Бұл дегеніміз – ешбір өндіруші қоспаның тазалығына толық кепілдік бере алмайды. Салдарынан:

• кәсіби спортшы тыйым салынған заттармен беймәлім түрде улануы мүмкін;
• алғашқы допинг-тесттен кейін-ақ бірнеше жылға спорттан шеттетілуі ықтимал.

"Фуросемидке тәуелді бүйрек" — фуросемидтің жасырын немесе ұзақ уақыт қабылдануынан туындайтын асқыну. Бұл кезде ағза препаратсыз зәр шығаруды тоқтатады, ісіну, электролит теңсіздігі мен жүрек-қан тамыр жүйесінің бұзылуы пайда болады.

Қауіпсіз деп саналатын дәрумендер де зиян келтіруі мүмкін

Көпшілігіміз "дәрумендер зиянсыз" деп ойлаймыз. Бірақ артық қабылданған жағдайда олар да қауіп төндіруі мүмкін. Міне, бірнеше мысал:

Қандай қоспалар салыстырмалы түрде қауіпсіз?

Медицина мен спорттық зерттеулерде қауіпсіз әрі тиімді деп танылған екі қоспа бар:

1. Креатин моногидрат

• Мақсаты: бұлшықет күші мен қалпына келуді жақсарту.
• Доза: күніне 3–5 г.
• Артықшылығы: жанама әсерлері аз, тиімділігі дәлелденген.

2. Кофеин

• Мақсаты: төзімділік пен зейінді арттыру.
• Доза: 2–5 мг/кг салмаққа.
• Ескерту: жүрек, жүйке жүйесі мәселесі бар адамдарға сақтықпен қабылдау қажет. Кофеин қазіргі таңда допингтік бақылауда емес, бірақ мониторинг тізімінде болған.

Зиянды дәрумендерден өзіңізді қалай қауіпсіздендіруге болады?

100% қауіпсіздікке ешкім кепілдік бере алмайды. Бірақ төмендегі кеңестер арқылы қауіпті азайтуға болады:

• Тек сенімді брендтерді таңдаңыз – танымал, ғылыми негізделген өндірушілерге сеніңіз.
• Жеткізушіні тексеріңіз – көлеңкелі нарықтар мен күмәнді сайттардан аулақ болыңыз.
• Дәрігермен ақылдасыңыз – спорттық дәрігер немесе нутрициологтың рұқсатынсыз ештеңе қабылдамаңыз.
• Зертханалық тексерулер жүргізіңіз – қоспаларды қабылдар алдында қан және басқа анализдер тапсырған жөн.

Витаминдер мен спорттық қоспалар — ойыншық емес. Олар дұрыс қолданылғанда — көмек, ал бейберекет пайдаланғанда — денсаулық пен спорттық мансаптың соңы болуы мүмкін. Егер сіз — кәсіби немесе әуесқой спортпен айналысатын болсаңыз, әрқашан білікті маманмен кеңесіп барып ғана қоспа қолдануды бастаңыз.