Тағам мен төзімділіктің байланысы
Ағзаның негізгі энергия көзі – тағам. Дұрыс құрастырылған ас мәзірі көмірсуларды, ақуыздар мен майларды тиімді игеруге мүмкіндік береді. Витаминдер мен минералдардың теңгерімді болуы шаршауды азайтып, жасушаларды оттегімен қамтамасыз етеді.
Керісінше, майлы әрі ауыр сіңетін тағамдар (құнарлы ет, қуырылған ас, артық көмірсулар) ас қорытуды қиындатып, энергияны көп жұмсатады. Нәтижесінде тамақтан кейін ұйқышылдық пайда болып, белсенділік төмендейді.
Төзімділікті арттыратын ең пайдалы өнімдер
- Чиа дәндері: Омега-3 және Омега-6 май қышқылдарына, кальцийге, калий мен магнийге бай суперфуд. Қандағы қант деңгейін тұрақтандырады, ұзаққа тоқтық сезімін береді.
- Қызылша: Құрамындағы табиғи нитраттар ағзаға оттегінің жақсы сіңуіне көмектесіп, жаттығу кезіндегі шаршауды азайтады. Антиоксиданттарға бай.
- Батат (тәтті картоп): Пайдалы көмірсулардың көзі. Жаттығу алдындағы тамақ ретінде өте тиімді, ұзақ уақытқа қуат береді.
- Шпинат: Темірге бай көкөніс. Қан құрамындағы гемоглобинді арттырып, бұлшықетке оттегінің жеткізілуін жақсартады.
- Шие: Спортшылар жиі қолданатын жидек. Бұлшықетті тез қалпына келтіреді, калий жүрек жұмысына пайдалы әсер етеді, ал антиоксиданттар ағзаны тазартады.
- Киноа:Барлық қажетті аминқышқылдары бар ақуыздың толық көзі. Жеңіл дайындалады, ұзақ уақытқа тоқтық береді.
- Банан: Жылдам сіңетін көмірсулардың тамаша көзі. Жаттығу алдында энергия берсе, кейін бұлшықеттің қалпына келуіне көмектеседі.
- Сұлы: Баяу көмірсулар мен В дәрумендеріне бай. Ұзақ уақыт бойы энергия сақтап, шаршауды азайтады.
- Анар: Бұлшықетті қалпына келтіруге қажетті антиоксиданттарға толы. Жаттығу алдында да қосымша қуат береді.
- Кокос майы: Ағзаға тез «отын» болатын қаныққан май қышқылдарын қамтиды. Жүрек пен иммунитетке пайдалы, зат алмасуды жақсартады.
Рационға осы өнімдерді тұрақты түрде енгізу арқылы төзімділікті арттырып қана қоймай, денсаулықты күшейте аласыз. Олар ағзаны энергиямен қамтамасыз етіп, спорттық нәтижені жақсартуға және күнделікті белсенділікті сақтауға көмектеседі.
