Месси, Марадона, енді Ямальға бұйырған жейде

Бұл туралы клубтың Instagram парақшасы мен ресми баспасөз қызметі хабарлады.

«Біздің жаңа №10!» – деп жазды клуб өзінің әлеуметтік желідегі жазбасында.

17 жастағы вундеркинд енді «Барса» тарихындағы ең құрметті нөмірдің жаңа иесі.

Аңыздармен қатар

Ламин Ямаль енді №10 жейдені киген келесі жұлдыз болмақ. Бұл нөмірді бұған дейін: Диего Марадона, Ромарио, Ривалдо, Роналдиньо, Лионель Месси сияқты футбол аңыздары киген. Соңғы иесі – Ансу Фати, ол клубтан кеткен соң бұл нөмір бос тұрған болатын.

Әлемдегі ең қымбат футболшы

Sports.kz хабарлауынша, Ламин Ямаль қазіргі таңда әлемдегі ең қымбат футболшы.

Transfermarkt порталының мәліметінше:

• Оның нарықтық құны — 200 миллион еуро;
• Бұл көрсеткіш Эрлинг Холландты (180 млн €) да артта қалдырды. Ямальдың бағасы соңғы жаңартудан кейін 20 млн еуроға өскен.

«Барселона» жаңа дәуірді ресми түрде бастады. Ламин Ямаль — енді тек клубтың емес, әлем футболының басты тұлғаларының бірі. №10 нөмір — үлкен жауапкершілік пен сенімнің символы. Жанкүйерлер енді одан жаңа ерліктер күтеді.