Елордалық клуб Instagram-парақшасында келісімшарт мерзімі аяқталғаннан кейін бірқатар ойыншының командадан кеткенін хабарлады.
Клуб мәлімдемесіне сәйкес, Қазақстан құрамасында да ойнаған тәжірибелі қорғаушылар Александр Марочкин, Марат Быстров және Дмитрий Шомко "Астанадағы" өнерін аяқтады. Себебі олардың келісімшарттарының мерзімі аяқталды.
Бұған дейін 33 жастағы қорғаушы Марат Быстров елордалық "Жеңістің" жаңа ойыншысы ретінде ресми таныстырылған. Ал Александр Марочкин "Тобылдың" оқу-жаттығу жиынына қосылды.
Еске салайық, "Астана" былтырғы Қазақстан Премьер-лигасы маусымын күміс жүлдемен аяқтады. Ал чемпиондық атақ алматының "Қайратына" бұйырды.
