Темірлан Анарбековтің Еуропаға ауысуына рұқсат берілмеді

Қазақстан футболының ардагері Юсуп Шадиев ұлттық құраманың және алматылық «Қайраттың» қақпашысы Темірлан Анарбековтың мықты еуропалық чемпионатқа ауысу мүмкіндігіне қатысты пікір білдірді.

Маманның айтуынша, жас қақпашы үшін дәл қазір Еуропаның топ-лигасына көшуге асықпау қажет.

«Менің ойымша, оған әлі ертерек. Футболда бір маусым бір маусымға ұқсамайды. Кейде ойыншы бір жыл жарқырайды да, келесі маусымда төмендеу болады. Бұл әсіресе жастарға тән. Сондықтан Темірланға тағы бір жыл Қазақстан чемпионатында ойнап, өз деңгейін тұрақты түрде дәлелдегені дұрыс», — деді Юсуп Шадиев.

Ардагер маман Анарбековтың талантына жоғары баға беріп, болашағы жарқын екенін атап өтті.

«Темірлан — өте талантты қақпашы. Егер осылай дами берсе, міндетті түрде Еуропаның жетекші чемпионаттарының бірінен орын алады. Оған тек сәттілік тілеймін», — деп қосты ол.

Анарбеков 2025 жылы бірқатар жетістікке жетті

Айта кетейік, 2025 жыл Темірлан Анарбеков үшін табысты болды:

• Қазақстан Премьер-Лигасының ең үздік қақпашысы атанды;
• Чемпиондар лигасының топтық кезеңіндегі қақпашылар рейтингін SofaScore нұсқасы бойынша бастап шықты;
• Чемпиондар лигасының 2025/26 маусымындағы топтық кезеңнің 6-туры қорытындысы бойынша барлық ойыншылар арасында 8,9 баға алып, тізімнің көшін бастады;
• Бұл рейтингте ол Килиан Мбаппе сынды әлемдік жұлдыздарды артта қалдырды.