Қазір Еуропада трансферлік нарық ашық. Демек бірқатар клубтарға ойыншыларды түгендеп алатын оңтайлы кезең туды.
Әуелі Қазақстан Премьер-Лигасынан бастасақ. Өткен маусымда "Атырауда" доп тепкен белоруссиялық шабуылшы Николай Сигневич "Тобылға" ауысты.
32 жастағы Сигневич ҚПЛ-2024-те "мұнайшылар" сапында 24 ойынға қатысып, он нәтижелі соққы жасады. Осылайша Жоао Паулу ("Қайрат") және Ислам Чесноковпен ("Тобыл") Қазақстан чемпионатының үздік сұрмергені атанды.
"Ливерпуль" Трент Александер-Арнольдты қаңтарда "Реал Мадридке" жіберуден бас тартты. Тіпті трансфер үшін төленетін соманы да қарастырып жатқан жоқ.
Дегенмен корольдік клуб ойыншы жазда еркін агент атанғанда қатарға қосып алуды мақсат етеді. Трентпен ресми келіссөздер осы айда басталады. Transfermarkt ағылшындық қорғаушыны €75 млн-ға еуроға бағалайды.
"Барселона" мықты қос ойыншыдан айырылуы мүмкін. Каталониялықтар Дани Ольмо мен Пау Викторды 1 қаңтарға дейін тіркеп үлгерген жоқ. Енді олар келісімдегі шарттарға сәйкес клубтан тегін кетіп қалуға құқылы. Бірақ Ольмо қандай жағдай болса да "Барсадан" кетпейтінін мәлімдеді.
"Галатасарай" 29 жастағы словакиялық Милан Шкриньярды жалға алмақ. Өз кезегінде қорғаушы "ПСЖ"-дан кеткісі келетінін айтты. Қазір "Галатасарай" Түркия суперлигасында 44 ұпаймен бірінші орында тұр.
Лондондық "Арсенал" жаңа шабуылшы іздестіріп жатыр. "Канонирлер" бұл позицияға "Вулверхэмптонның" ойыншысы Матеус Кунья лайық деп санайды.
Қазір Куньянің жасы 25-те. Бұған дейін ол мадридтік "Атлетико", "Герта", "Лейпциг", "Сьон" қатарында ойнады. Футболшының трансферлік бағасы €50 млн еуро. Биылғы АПЛ-де 19 матчта 10 доп соқты.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
