Бразилияда ММА спортшысы Джеронимо дос Сантос суға түсу кезінде қайғылы жағдайда көз жұмды. Оқиға Манаус қаласының маңындағы Риу-Негру өзенінде болған.
Мәліметке сәйкес, 45 жастағы спортшы суға кіргеннен кейін бірнеше минут ішінде бата бастаған. Кейін анықталғандай, ол жақсы жүзбеген. Ал оқиға болған аумақ аса қауіпті саналады: су түбінде жасырын еңіс бар, сондай-ақ күшті айналма ағыс кездеседі.
Жауынгер көмек сұрағанымен жақын маңдағы қайықтағы адамдар дер кезінде үлгермей қалған. Ол су астына кетіп, мәйіті әлі табылған жоқ деген ақпарат бар.
Джеронимо дос Сантос тәжірибелі ММА файтері ретінде танылған. Ол аралас жекпе-жекте кәсіби деңгейде 72 кездесу өткізіп, рекорды 45 жеңіс – 26 жеңіліс – 1 тең болған.
