«Жетісу» клубы жуырда клубтық әлем чемпионатында алғаш рет бақ сынаған болатын.
Бразилияның Сан-Паулу қаласында волейболдан әйелдер арасындағы клубтық әлем чемпионаты өз мәресіне жетті. Шешуші матчта Еуропаның екі алпауыт клубы — Италия чемпионатының өкілдері, CEV Чемпиондар лигасының финалистері «Конельяно» мен «Скандиччи» кездесті. Бұл жолы жеңіс «Скандиччи» командасына бұйырды. Италиялық ұжым қарсыласынан 3:1 есебімен басым түсіп, клубтар арасындағы әлем чемпионы атанды.
Бір айта кетерлігі, дәл осы додада Қазақстан чемпионы әрі Азия Чемпиондар лигасының жеңімпазы «Жетісу» да қатысты. Қазақстандық клуб болашақ әлем чемпиондарымен бір топта ойнап, келесі нәтижелерді тіркеді:
Осылайша «Жетісу» топтық кезеңнен аса алмай, жарысты ерте аяқтады. Соған қарамастан «Жетісу» командасының бірнеше волейболшысы клубтық әлем чемпионатының үздік ойыншыларының қатарына енді.
Мәселен, клуб капитаны Кристина Аниконова 10 блок жасаумен үздік блоктаушылар тізімінде екінші орынға тұрақтады. Ал пас беруші Дарья Шаркородская 6 эйс орындап, үздік сервис жасаушылар арасында екінші, сондай-ақ турнирдің ең үздік пас берушілер тізімінде төртінші орынға ие болды. Өз кезегінде Мария Фролова доп қабылдау сапасы бойынша ТОП-3 ойыншының бірі атанды.
