Қазақстанның үздік шахматшысы әлемдік рейтингте үздік ондық қатарына кіре алды.
Бибісара Асаубаева 2026 жылғы Tata Steel Chess Challengers турниріндегі өнер көрсетуінен кейін FIDE-нің әлемдік рейтингінде тоғызыншы орынға көтерілді. Қазақстандық шахматшы 19 рейтингтік ұпай қосып, үздік ондыққа енді.
Турнир Вейк-ан-Зее қаласында өтті. 13 партияның қорытындысы бойынша Асаубаева төрт жеңіске жетіп, жеті кездесуді тең аяқтады және екі рет жеңіліс тапты.
Бибісара Асаубаева Tata Steel Chess Challengers 2026 турнирінде табысты өнер көрсетті. Жинаған ұпайлары оған FIDE рейтингіндегі орнын жақсартып, тоғызыншы сатыға көтерілуге мүмкіндік берді.
Әйелдер арасындағы FIDE рейтингінің алғашқы бес орнын Қытай өкілдері иеленіп отыр. Көш басында – экс-әлем чемпионы Хоу Ифань.
2025 жылдың желтоқсанында Асаубаева блиц бойынша үш дүркін әлем чемпионы атанды. Бұл жеңіс оған 2026 жылдың сәуір айында өтетін Үміткерлер турниріне қатысуға жолдама берді. Турнир жеңімпазы классикалық шахматтан әлем чемпионы атағы үшін матчқа қатысу құқығына ие болады.
Бибісара Асаубаева 2004 жылғы 26 ақпанда Тараз қаласында дүниеге келген. Әйелдер арасындағы гроссмейстер және ерлер арасындағы халықаралық шебер атақтарына ие. 2025 жылдың шілдесінде оған халықаралық гроссмейстер атағы ресми түрде берілді.
