Әйгілі қазақстандық волейболшы Сәбина Алтынбекова Instagram парақшасында жаңа фотосуреттерін жариялап, жанкүйерлерін тәнті етті.
Кадрлар Түркістанда түсірілген. Сәбина ұлттық киім киіп, қолына қыран құсты ұстап тұр – бұл бейне нағыз дала патшайымының келбетін еске түсіреді.
«Қыздың көркі – әдеп. Әдепсіз арудың сұлулығының мәні жоқ», — деп жазды спортшы жазбасында.
Фотосуреттер желіде тез таралып, бірнеше мың лайк пен жүздеген пікір жинады. Пайдаланушылар Сәбинаның образын қазақ мәдениетінің рухын бейнелейтін тірі картинаға теңеді.
Жанкүйерлердің бірі:
«Бұл сурет – ұлттық рух пен нәзіктіктің үйлесімі. Сәбина – қазақ қызының шынайы келбеті», — деп пікір қалдырды.
Соңғы жылдары Сабина тек спорттағы жетістіктерімен емес, мәдени мұраны насихаттау бағытындағы әрекеттерімен де үлгі көрсетіп келеді. Оның әрбір фотосессиясы қазақ дәстүрі мен қазіргі заманғы эстетиканы үйлестіріп, жастарға ұлттық құндылықтарды дәріптеудің жаңа жолын ұсынады.
