Мәнерлеп сырғанаудан Олимпиада чемпионы Михаил Шайдоров әлеуметтік желідегі аудиториясы бойынша футболдан ұлттық құраманың барлық ойыншысын шаң қаптырып кетті.
Шайдоровтың Instagram парақшасындағы жазылушылар саны алғаш рет 319 мыңнан асып, спортшының жеке рекорды жаңарды. Осы көрсеткіш оның Қазақстан құрамасының бірқатар футболшысын, соның ішінде Шерхан Қалмырза, Темірлан Анарбеков, Бақтиер Зайнутдинов секілді ойыншыларды басып озуына мүмкіндік берді.
Дегенмен футболшылар арасында көшбасшылық әлі де "Қайраттың" 18 жастағы қақпашысы Шерхан Қалмырзаның еншісінде. 2025 жылдың қыркүйегінде "Реалға" қарсы матчтан кейін оның танымалдығы бірден артты.
Қазір Қалмырзаның Instagram-дағы аудиториясы 311 мыңға жетіп отыр.
Шайдоров футболшылардың бәрін басып озғанымен Қазақстандағы ең танымал спортшы мәртебесіне әлі ерте. Ерлер арасында бірінші орынды аралас жекпе-жек шебері Шавкат Рахмонов сенімді түрде ұстап тұр.
Қазақстандағы ең көп жазылушысы бар ер спортшылар тізімі:
Еске сала кетейік, Михаил Шайдоров — мәнерлеп сырғанаудан Қазақстан тарихындағы Олимпиада алтынын алған алғашқы спортшы. Бұл жеңіс оның халықаралық деңгейдегі беделін күшейтіп, жанкүйерлер санын арттырып келеді.
