Рыбакинаның US Open-дегі табысы белгілі болды
Жуырда отандасымыз WTA рейтингінде 58-орында тұрған украиналық Юлия Стародубцеваны жеңіп, жарыстың үздік 16 теннисшісі қатарына енген болатын.
Қазақстандық теннисші Елена Рыбакина US Open-2026 турнирінде үшінші жеңісіне қол жеткізіп, жарыстың 1/8 финалына шықты.
WTA рейтингінде екінші орында тұрған қазақстандық спортшы үшінші айналымда украиналық Юлия Стародубцеваны жеңді.
Рыбакина қанша табыс тапты?
US Open-2026 турнирінің 1/8 финалына шығу Рыбакинаға 480 000 доллар көлеміндегі жүлде қорын және 240 рейтингтік ұпайды қамтамасыз етті.
Бұл – қазақстандық теннисшінің турнирдегі алғашқы үш жеңісінен кейін кепілдендірілген сыйақысы.
Бұған дейін кімді ұтты?
US Open-2026 турнирінің алғашқы айналымында Рыбакина америкалық Теа Фродинді жеңді.
Екінші айналымда испаниялық Джессика Бусас Манейродан басым түсті.
Ал үшінші жеңісін WTA рейтингінде 58-орында тұрған украиналық Юлия Стародубцеваға қарсы ойында тіркеді. Осылайша, Рыбакина Нью-Йорктегі турнирдің үздік 16 теннисшісінің қатарына енді.
Айта кетейік, отандасымыздың АҚШ ашық чемпионатындағы үздік нәтижесі 1/8 финал. Әзірге одан аса алмай келеді.
US Open жеңімпазы қанша алады?
US Open-2026 турнирінің жалпы жүлде қоры 37,84 миллион доллар.
Әйелдер арасындағы жекелей сынның жеңімпазы 5,5 миллион доллар және 2000 рейтингтік ұпай алады.
Пікірлер
Пікір қалдыру уақытша жабық.
Әзірге пікір жоқ. Бірінші болыңыз.