Иорданияның Амман қаласында World Boxing ұйымының қолдауымен жасөспірімдер арасында (15 және 17 жасқа дейінгі топтар) бокстан Азия чемпионаты өтіп жатыр.
Өзбекстан құрамасы екі жас санаты бойынша да айқын басымдық танытуда. 15 жасқа дейінгі топта 23 өзбекстандық боксшы жартылай финалға жолдама алды. Ал 17 жасқа дейінгі топта 19 спортшы жартылай финалға шықты. Осылайша Өзбекстан екі категорияда да бірінші орынды берік ұстап тұр. Бұл олардың жасөспірімдер құрамасының жоғары деңгейде дайындалғанын дәлелдейді.
Қазақстан жасөспірімдер құрамасы әзірге 15 жасқа дейінгі топта төртінші орында тұр — 20 спортшымыз жартылай финалға шықты. Ал 17 жасқа дейінгі топта біздің жігіттер үшінші орында — 17 боксшымыз медальға таласуға мүмкіндік алды.
Айта кету керек украиналық спортшылар да жоғары деңгейде өнер көрсетіп, Орталық Азия командалары үшін елеулі бәсекеге айналды. Олардың техникалық шеберлігі мен тактикалық дайындығы қарсыластарына айтарлықтай қиындық туғызуда.
