Жалғас Жұмағұловтың айтуынша, бұл шайқаста жеңіс ақылмен ойнайтын Ислам Махачевке тиесілі болмақ.
UFC-де өнер көрсеткен танымал қазақстандық файтер Жалғас Жұмағұлов болашақта өтуі мүмкін Ислам Махачев пен Илия Топурия арасындағы жекпе-жекке қатысты пікір білдірді. Оның ойынша, бұл тартыста Махачев басым түсуі мүмкін.
Betonmobile порталына берген сұхбатында Жалғас Жұмағұлов былай деді:
«Махачев пен Топурия арасындағы шарықтау шегіне жетіп қалды. Бұл тартыс ерте ме, кеш пе рингте шешілуі мүмкін. Ислам өте ақылды, тактиканы мықты меңгерген спортшы. Оның күресі жоғары деңгейде, ал командасы – тәжірибелі. Олар Топурияға қарсы дұрыс шешім таба алады. Сондықтан мен бұл жұпта фаворит ретінде Исламды көремін.»
Қазірдің өзінде екі файтер әлеуметтік желіде өзара айтысып, жанкүйерлер арасында үлкен қызығушылық туғызуда. Жекпе-жектің нақты өту күні белгіленбесе де, бұл текетірес интернет майданына айналып үлгерді.
Қазіргі таңда бұл жұптың кездесуі мүмкін емес:
Ислам Махачев — жеңіл салмақ титулынан бас тартып, жартылай орта салмақтағы чемпион Джек Делла Маддаленаға қарсы жекпе-жек өткізеді.
Илия Топурия — вакантты жеңіл салмақ белбеуі үшін Чарльз Оливейрамен кездеседі.
Яғни, әрқайсысы жеке бағытта чемпиондық деңгейдегі жекпе-жекке дайындалып жатыр.
