Әлемге танымал ESPN спорт порталы (АҚШ) ХХІ ғасырдың ең мықты 25 боксшысының рейтингін жариялады. Қазақстан мақтанышы Геннадий «GGG» Головкин бұл тізімнен шет қалмай, 11-орынға тұрақтады. Тізімге 23 ер адам және небәрі екі әйел енді — ирландиялық Кэти Тейлор мен америкалық Кларесса Шилдс.
Флойд Мейвезер (28-0) рингтегі мінсіз техникасымен ХХІ ғасырдың басты символына айналды. Екінші орынға Мэнни Пакьяо (35-6-3) жайғасып, тарихтағы ең көп салмақ дәрежесінде чемпион болған жалғыз боксшы мәртебесін тағы бір дәлелдеді. Үштікті Бернард Хопкинс (19-6-1, 1 NC) түйіндеді. Төртінші орында украиналық Александр Усик (23-0), бесінші орында мексикалық супержұлдыз Сауль «Канело» Альварес (63-2-2).
Қазақстандық жанкүйерлер үшін басты жаңалық – Геннадий Головкиннің ТОП-25-ке кіруі. GGG (42-2-1) бір кездері орта салмақтағы абсолютті гегемон болып, өзінің нокауттық күш-қуатымен әлемді дүр сілкіндірді. Оның басты қарсыласы Канело Альварес бұл тізімде 5-орынға орналасқан.
