Бокстан Өзбекстан құрамасының бұрынғы бас бапкері Алишер Абдуллаев Қазақстан командасының бапкерлер штабындағы кадрлық өзгерістерге қатысты пікір білдірді.
Бұған дейін Қайрат Сәтжанов денсаулығына байланысты Қазақстан құрамасының бас бапкері қызметінен кеткені, ал оның орнына Нұржан Насанов тағайындалғаны хабарланған.
Абдуллаевтың айтуынша, Сәтжановтың кетуі өзі үшін тосын болған. Дегенмен ол соңғы бір жылда қазақстандық бокстың деңгейі айқын өскенін атап өтті.
Маманның сөзінше, Сәтжановтың жетекшілігі кезінде қазақстандық бокстың нәтижесі жақсарып, өзбекстандық қарсыластарға бәсекесі күшейген.
Нұржан Насановтың бас бапкер болып келуіне тоқталған Абдуллаев бұл шешімді ойластырылған, теңгерімді қадам ретінде бағалады. Оның пікірінше, олимпиадалық циклға жақын кезеңде кадрлық ауыс-түйіс жасау тәуекел сияқты көрінгенімен басшылықтың жоспары болуы мүмкін.
Абдуллаев бұл тұста спорттағы нәтиже кейде күтпеген факторларға тәуелді екенін меңзеп, жағдайды медицинадағы мысалмен салыстырған. Кейде қарапайым тәсіл жылдам әсер етсе, кейде үлкен тәжірибе де бірден нәтиже бермейді.
Қазақстан құрамасының жаңа бас бапкері Нұржан Насанов жаттықтырушылық жолын 2016 жылы бастаған. Ал 2024 жылдың тамызынан бастап ұлттық құрама штабында Қайрат Сәтжановпен бірге жұмыс істеді.
Мәліметке сай, Насановтың шәкірттері арасында:
