Қазақстан ерлер құрамасының бас бапкері Нұржан Насанов Болгарияда өткен "Странджа кубогы" турнирінің қорытындысын шығарып, боксшылардың дайындығына баға берді.
Насановтың айтуынша, қызметке келгеннен кейін ол ең әуелі әр боксшының мүмкіндігін көзбен көріп, потенциалын жеке бағалауды маңызды санаған. Сол себепті құрама спортшылары халықаралық турнирлерге Испания мен Болгарияға жолданған.
Бас бапкер жаттығу процесінде негізгі үш бағытқа басымдық берілетінін жеткізді физикалық дайындық, функционалдық төзімділік және тактикалық сауат.
Маманның сөзінше, бұл додаға көптеген елдер бірінші нөмірлі боксшыларын алып келген. Қазақстан болса керісінше, екінші және үшінші құрамдағы спортшыларға мүмкіндік берген.
Насанов турнир команда үшін пайдалы «айна» болғанын жасырмады:
“Бұл жарыс қай тұста кемшілік барын және қай бағытта жұмысты күшейту керек екенін анық көрсетті”, — деді ол.
Бапкер бірнеше салмақта нақты мәселелер барын атап өтті. Мысалы:
Осы бағыттар бойынша жақын уақытта бапкерлер штабы мен Федерация ішінде талқылау өтіп, шешім қабылданатыны хабарланды.
Соған қарамастан бас бапкер жас боксшылардың ішінен негізгі құрамға жақын тұрғандары бар екенін айтты. Оның сөзінше, ондай боксшылармен жүйелі жұмыс жалғасуы тиіс.
Тағы бір маңызды тұс — Странджа турнирі қазақстандық боксшыларға қарсыластар деңгейін бағамдауға мүмкіндік берген. Бұл алдағы әлем чемпионаты мен Олимпиада ойындары қарсаңында аса қажет тәжірибе саналады.
Болгариядағы турнирде қазақстандық боксшылар 1 алтын және 2 күміс медаль жеңіп алған.
