Бангкокта 19 жасқа дейінгі боксшылар арасындағы Futures Cup 2026 халықаралық жарысында қазақстандық боксшы Досжан Жұмақан екінші кездесуін сенімді жеңіспен аяқтады.
55 келіге дейінгі салмақ дәрежесінде сынға түскен отандасымыз турнирдің Гватемала өкілі Лионель Эрнандеспен қолғап түйістірді.
Алғашқы раундтан бастап-ақ Досжан қарсыласынан басым екенін байқатты. Қазақ боксшысы жекпе-жектің бірінші бөлігінде белсенді қимылдап, төрешілердің барлығының есебінде алға шықты — 5:0.
Екінші раундта да Жұмақан қарқынын бәсеңдеткен жоқ. Ол қарсыласының шабуылдарына дәл әрі сауатты жауап беріп, рингтегі басымдықты өз қолында ұстап тұрды.
Шешуші раунд алдында қазақстандықтың басымдығы анық сезілді. Гватемала өкілін тек мерзімінен бұрын жеңіс құтқара алатын еді. Алайда Досжан Жұмақан кездесуді толық аяқтап, төрешілердің бірауызды шешімімен айқын жеңіске жетті.
