АЧ-2026: Қазақстан қоржынына тағы бір медаль түсті
Ордостағы құрлықтық додада қазақстандық дзюдошы үздік үштікке енді.
Қытайдың Ордос қаласында өтіп жатқан дзюдодан Азия чемпионатында Қазақстан құрамасының қоржынына тағы бір медаль түсті. Бұл жолы ел намысын қорғаған Абылайхан Жұбаназар (-81 кг) қола жүлдеге қол жеткізді.
Жұбаныш белдесуінде қазақстандық дзюдошы Біріккен Араб Әмірліктерінің өкілі Гаджимурад Омаровпен кездесіп, сенімді жеңіске жетті. Осылайша, Жұбаназар турнирдің қола жүлдегері атанды. Бұл – Қазақстан құрамасының аталған Азия чемпионатындағы екінші қола жүлдесі. Ұ
Жұбаназардың жетістіктері
Абылайхан Жұбаназар бұған дейін де ірі жарыстарда көзге түскен спортшы. Ол – Ханчжоуда өткен Азия ойындарының қола жүлдегері.
Айта кетейік, 81 келіге дейінгі салмақта белдескен Әділет Алмат финалда Тәжікстанның атақты дзюдошысы Сомон Махмадбековті сенсациялық түрде жеңіп, құрлық чемпионы атанды.