Қазақстан жастар құрамасы Өзбекстаннан 10 "алтынға" қалып қойды

Өзбекстан медаль кестесінде көш бастады

Турнир қорытындысы бойынша қазақстандық боксшылар 30 медаль жеңіп алды. Ұлттық құраманың қоржынында 11 алтын, 11 күміс және 8 қола жүлде бар.

Жалпы есепте Өзбекстан құрамасы айқын басымдықпен бірінші орын иеленді. Көршілес елдің боксшылары 21 алтын, 6 күміс және 6 қола медаль еншіледі.

Осылайша Қазақстан құрамасы алтын жүлделер саны бойынша Өзбекстаннан 10 медальге қалып қойды.

Үздік үштікті Үндістан құрамасы түйіндеді. Олар 5 алтын, 12 күміс және 11 қола медаль жеңіп алды.

U23 санатындағы нәтиже

23 жасқа дейінгі боксшылар арасындағы бәсекеде Қазақстан құрамасы 6 алтын, 7 күміс және 3 қола жүлдемен екінші орынға тұрақтады.

Бұл санатта Өзбекстан құрамасы 10 алтын, 3 күміс және 5 қола медальмен көш бастады.

U19 санатында Қазақстан екінші орын алды

19 жасқа дейінгі боксшылар арасындағы жарыста да Қазақстан жалпыкомандалық есепте екінші болды. Қазақстандық жас боксшылар 5 алтын, 4 күміс және 5 қола медаль иеленді.

Ал Өзбекстан құрамасы 11 алтын, 3 күміс және 1 қола жүлдемен бірінші орын алды.

Қазақстан атынан 39 боксшы қатысты

Жасөспірімдер мен жастар арасындағы 2026 жылғы Азия чемпионаты Джакартада 3-16 шілде аралығында өтті.

Қазақстан құрамасы құрлықтық додаға 39 спортшысын апарып, жалпы есепте 30 медальмен екінші нәтиже көрсетті.