Астанадағы ӘЧ: қазақстандық балуан қыздардың қарсыластары белгілі болды
Жеребе қорытындысы бойынша ел намысын қорғайтын 10 балуанның кіммен белдесетіні анықталды.
Балуан қыздар әлем чемпионатындағы күресін бастайды
27 қазанда елордадағы "Барыс Арена" спорт кешенінде әйелдер күресінен алғашқы белдесулер басталады. Қазақстан құрамасы әлемдік додаға 10 салмақ дәрежесінде қатысады. Жеребе нәтижесінде жеті балуанымыз алғашқы айналымда қарсыластарымен кездессе, үш балуан бірден келесі кезеңге жолдама алды.
Қазақстан құрамасының алғашқы қарсыластары:
50 келі: Зейнеп Баянова – алғашқы айналымнан босатылды.
53 келі: Айнұр Әшімова – Мария Ефремова (Украина). Іріктеу кезеңі.
55 келі: Лаура Әлмағанбетова – Нагиса Харада (Жапония). 1/8 финал.
57 келі: Нилуфар Раимова – алғашқы айналымнан босатылды.
59 келі: Алтын Шағаева – Бедиха Гүн (Түркия). 1/8 финал.
62 келі: Ирина Кузнецова – Алжин Тотох (Моңғолия). Іріктеу кезеңі.
65 келі: Бейбіт Сейдуалы – Цуй Тинг Сау (Гонконг). Іріктеу кезеңі.
68 келі: Ирина Казюлина – Джозет Саса Мавунгу (Ангола). Іріктеу кезеңі.
72 келі: Жәмила Бақбергенова – Эмилия Кречун (Молдова). Іріктеу кезеңі.
76 келі: Гүлмарал Еркебаева – алғашқы айналымнан босатылды.
Жәмила Бақбергенова кіммен күреседі?
Қазақстан құрамасының көшбасшыларының бірі Жәмила Бақбергенова 72 келі салмақ дәрежесінде сынға түседі. Оның алғашқы қарсыласы – молдовалық Эмилия Кречун. Екі балуан іріктеу кезеңінде өзара мықтыны анықтайды.
Ал Зейнеп Баянова, Нилуфар Раимова және Гүлмарал Еркебаева жеребе нәтижесінде алғашқы айналымды өткізіп, жарысты келесі кезеңнен бастайды. Күрестен 2026 жылғы әлем чемпионаты 1 қарашаға дейін жалғасады.