Бокстан әйелдер арасындағы Қазақстан ұлттық құрамасының әлем кубогына қатысатын құрамы белгілі болды. Бұл турнир 28 наурыз бен 7 сәуір аралығында Бразилияда World Boxing ұйымының қолдауымен өтеді.
Құрама команда Алматы облысы, Жанашар ауылындағы олимпиадалық даярлау орталығында оқу-жаттығу жиынын бастап кетті. Бас бапкер Елдос Сайдалин жетекшілік ететін спортшылар 10 сәуірге дейін осы жерде жаттығады.
Бразилияға үш боксшы аттанады. Олар:
Бұған дейін Сербияда өткен әлем чемпионатына қатысқан боксшыларға қысқа мерзімді демалыс берілді. Қазір олар қалыпқа келу кезеңінен өтіп жатыр.
Қалған спортшылар оқу-жаттығу жиынынан кейін халықаралық турнирлерге қатысады. Атап айтқанда, Баку (Әзербайжан) мен Хабаровск (Ресей) қалаларындағы беделді жарыстарда бақ сынамақ.
