20 тамыз 2025 жылы Sky Documentaries арнасында әйгілі «Ayrton Senna – La leggenda» («Айртон Сенна – Аңыз») деректі фильмі алғаш рет көрсетіледі. Сондай-ақ ол NOW платформасында онлайн тамашалауға қолжетімді болады.
Фрэнсис Мегахи түсірген бұл фильм әйгілі бразилиялық Формула-1 жарысшысы Айртон Сеннаны тек үш дүркін әлем чемпионы ретінде емес, оның жан дүниесімен де таныстырады. Картинаның негізгі бағыты – Сеннаның достарымен байланысы, қызығушылықтары, Сан-Паулудағы күнделікті өмірі мен жаттығулары.
Айта кетейік, Айртон Сенна Формула-1 тарихында 65 поул-позиция, 41 Гран-при жеңісі мен McLaren командасымен үш әлем чемпиондығын иеленген аңыз тұлға.
Сенна әрдайым рөлде шегіне дейін баруға бейім болған. Ол бір сұхбатында қауіп пен жылдамдықтың психологиялық әсерін былай сипаттаған:
«Қауіп әрқашан ойымда. Ол тартады, қорқытады да. Бірақ соны түсіну – уақытында тоқтауға мүмкіндік береді», – деген еді Айртон Сенна.
Режиссер Фрэнсис Мегахи де оның өзгелерден ерекшелігін атап өтеді:
«Ол басқа пилоттар сияқты емес, әрқашан ең жоғары нәтижеге ұмтылатын. Бір қарағанда тәкаппар көрінуі мүмкін, бірақ шын мәнінде ол бар назарын мақсатына шоғырландырды», – дейді Мегахи.
Бұл фильм спорт жанкүйерлеріне ғана емес, табандылық пен мақсатқа адалдықты бағалайтын кез келген көрерменге қызықты болмақ.
