Парацетамолды жиі қабылдау зиян ба? Дәрігерлердің жауабы

Испанияның жедел медициналық көмек қоғамының дәрігерлері кез келген ауру кезінде, тіпті суық тиюде де, өзін-өзі емдеумен айналыспауға шақырды.

Дәрігерлер парацетамолды шамадан тыс пайдаланудың бауыр жеткіліксіздігіне әкелуі мүмкін екенін, тіпті өлім қаупін арттыратынын да ескертті.

Мамандардың айтуынша, денсаулыққа қауіпті тағы бір дәрі – ибупрофен. Сонымен қатар, дәрігерлер соңғы кездері жастар арасында танымал болып кеткен потенцияны арттыруға арналған дәрілерді бақылаусыз қабылдаудан бас тартуды ұсынды.

Жалпы ескерту: кез-келген дәрі қабылдау алдында дәрігерлерден кеңес алу қажет екенін ескертеміз.