37 жастағы хорват жартылай қорғаушы бұл туралы өзінің әлеуметтік желідегі парақшасында хабарлады.
37 жастағы әйгілі хорват футболшысы Иван Ракитич кәсіби мансабын аяқтағанын ресми түрде жариялады. Бұл туралы ол өзінің әлеуметтік желідегі парақшасында хабарлады.
Иван Ракитич — соңғы онжылдықтағы ең тұрақты және талантты жартылай қорғаушылардың бірі. Ол футболдағы жолын Швейцарияның «Базель» клубында бастап, кейін «Шальке», «Севилья», «Барселона», Сауд Арабиясының «Әл-Шабаб» командасында өнер көрсетті. Мансабының соңғы нүктесін туған жеріндегі «Хайдук» клубында қойды. Сонымен қатар, Ракитич Хорватия құрамасының негізгі ойыншыларының бірі болды.
Ракитичтің мансабындағы ең жарқын кезеңдердің бірі — «Барселона» сапында Чемпиондар лигасын жеңіп алғаны, сондай-ақ 2018 жылғы әлем чемпионатының финалына дейін жеткені.
Футбол әлемі Ракитичті ақылды ойыны, техникалық шеберлігі мен адалдығы үшін есте сақтайды. Енді оның болашақтағы жоспарлары – жаттықтырушылық немесе футбол менеджменті саласында болуы мүмкін.
