"Манчестер Сити" Родримен жаңа келісімшартқа отырмақ. Белгілі инсайдер Фабрицио Романоның хабарлауынша, клуб ойыншыға 2029 жылдың маусымына дейінгі ұзартылған келісімшарт ұсынуға дайын.
Қазіргі келісімшарт 2027 жылдың жазына дейін жарамды. Бірақ "Сити" Родриге сенім білдіріп, оны командада ұзақ уақытқа қалдырғысы келеді. Жаңа шарт бойынша 29 жастағы футболшы жалақы көлемі жағынан Эрлинг Холландтан кейінгі екінші ең жоғары еңбекақы алатын ойыншыға айналуы мүмкін.
Родри "Ситиде" 2019 жылдан бері өнер көрсетеді. Өткен маусымда тек сегіз матчқа қатысып, бір нәтижелі пас берді. Бұл аз көрсеткіштің себебі — ойыншы жарақатына байланысты маусымның басым бөлігін өткізіп алды.
Transfermarkt мәліметінше, Родридің қазіргі нарықтық құны €110 млн.
