«Астана» сапында ойнаған нигериялық шабуылшы Джеффри Чинеду Ресейдің «Крылья Советов» клубымен келісімшартқа қол қойды.
«Топи за „Крылья“» телеграм-арнасының мәліметінше, 28 жастағы форвардқа самаралық клуб өткен аптада келісімшарт ұсынып, тараптар ұзақмерзімді құжатқа қол қойған.
Сондай-ақ самаралықтар қазақстандық клубпен трансфер бойынша алдын ала уағдаласқан. Ақпаратқа сәйкес, мәміле сомасы 50 млн рубльге дейін (шамамен 315 млн теңге) болуы мүмкін. Бұған Чинедудың «Астанамен» келісімі 2026 жылдың маусымында аяқталатыны әсер еткені айтылады.
Джеффри Чинеду «Астанаға» 2024 жылы Қытайдың «Ляонин» клубынан ауысқан. Өткен маусымда ол елордалық команда сапында 31 матч өткізіп, 11 гол соғып, 2 нәтижелі пас берген.
Transfermarkt порталы нигериялық футболшының нарықтағы бағасын 900 мың еуро деп көрсетеді.
Қазақстан Премьер-Лигасының 2025 жылғы маусымында «Астананың» ең көп гол соққан ойыншыларының алғашқы үштігі мынадай болды:
