Қазақстандық бапкерге бірнеше клубтан жақсы ұсыныс түскеніне қарамастан, ол осындай шешім қабылдапты.
Қазақстандық жаттықтырушы Қайрат Нұрдәулетов танымал бапкер Станимир Стоиловтың бапкерлік штабына қосылмақ. Осылайша шет елде тәжірибе жинамақшы. Бұл туралы Аladop.kz хабарлады.
Болгар маманы бүгінде Түркияның Супер лигасында "Гезтепе" футбол клубын жаттықтырады.
Айта кетейік, биыл ғана Түркияның Суперлигасына көтерілген измирлік команда Стоиловтың жетекшілігімен тәп-тәуір нәтиже көрсетіп, ішкі чемпионатты біраз шайқап жүр. "Гезтепе" ішкі чемпионатта Жозе Моуриньо баптайтын "Фенербахчемен" тең түсті. "Бешікташ" пен "Трабзонспор" секілді мықтыларды жеңді.
Қазір Станимир Стоиловтың командасы турнирлік кестеде 6 орында келеді.
