"Манчестер Сити" "МЮ"-дің бұрынғы жартылай қорғаушысы Поль Погбаға қызығушылық білдірді.
Бұл туралы The Independent хабарлайды. “Ювентуспен” келісімшартты мерзімнен бұрын үзген француз еркін агент ретінде 2025 жылдың қаңтарында қолжетімді болады.
Погба допингке қатысты ережелерді бұзғаны үшін футболдан төрт жылға шеттетілген. Бірақ сан алуан апелляциялық шағымдар арқасында бұл мерзім 18 айға қысқартылды. Енді ол алаңға келер жылдың наурыз айында оралуы тиіс.
31 жастағы Поль Погба Хосеп Гвардиоланың сүйікті ойыншылардің бірі. Сондықтан француз команданы күшейтуге үлес қосады деп есептейді, каталониялық маман.
Дегенмен сенсациялық трансфердің жүзеге асуы әлі қарастырылып жатыр. Соңғы шешімді ағылшындық клуб пен ойыншы шығарады.
