Туриндік "Ювентус" Италия чемпионатының 16-турында аутсайдер "Венециямен" 2:2 есебімен тең түсті.
Осылайша “Ювентус” 16 ойыннан кейін жеңіске жету көрсеткіші бойынша ХХІ ғасырдағы клубтық антирекорд орнатты.
“Бьянконери” алты мәрте жеңіске жетіп, 10 ойынды тең нәтижемен аяқтады. Бұған дейін “Ювентус” 1998/1999 маусымдағы А сериясындағы 16 матчта 23 ұпай жинаған.
Қазір “Ювентус” Италия чемпионатында алтыншы орынға ие. Әлі жеңілістің ащы дәмін татып көрмеген Тиагу Мотта шәкірттерінің қоржынында 28 ұпай бар.
