"Әл Хилал" клубының шабуылшысы мансабын "Сантос" сапында жалғастырмақ.
Саудиялық "Әл Хилал" клубының шабуылшысы Неймар көп ұзамай мансабын Бразилияда жалғастыруы мүмкін.
Танымал инсайдер Фабрицио Романоның хабарлауынша, футболшы "Сантос" командасымен ауызша келісіп қойған. Келесі аптада келісімге қатысты ресми шаралар жарияланады.
Естеріңізге сала кетейік, Неймар "Сантос" сапында 2013 жылға дейін өнер көрсетті. Кейін каталондық "Барселонаға" ауысқан болатын.
Ағымдағы маусымда Неймар "Әл Хилал" үшін небәрі 2 матч өткізді. Оның араб клубымен келісімшарты 2025 жылдың 30 маусымына дейін есептелген. Transfermarkt порталындағы дерек бойынша бүгінде бразилиялық шабуылшының нарықтағы құны 15 миллион еуроны құрайды.
