"Манчестер Сити" тарихындағы ең қымбат ойыншы Джек Грилиш жазда клубтан кетуі мүмкін. Пеп Гвардиола мен клуб басшылығы оның трансферіне ашық.
2021 жылы «Сити» оны 117,5 миллион еуроға сатып алған болатын – бұл клуб тарихындағы ең ірі трансфер. Грилиштен команданың жаңа көшбасшысы болу, шабуылдағы басты фигураға айналу күтілді, бірақ ол үш маусым ішінде бұл үмітті ақтай алмады. 2022/23 маусымында Чемпиондар лигасын жеңгенімен, оның жеке статистикасы көңіл көншітпейді.
26 матчта – 2 гол, 5 нәтижелі пас.
Ойын деңгейі мен баға көрсеткіші төмендеді.
Грилиштің тек спорттық емес, жеке өміріндегі тәртіпсіздіктері де клуб басшылығын алаңдатады.
Жақында британдық БАҚ-та футболшының Ньюкаслдағы пабтан мас күйінде шыққан видеосы тарады. Бұл оның бірінші рет жанжалға ілінуі емес, бұған дейін де осындай оқиғалар болған. “Сити” енді оны трансферге шығаруға дайын.
