Танымал қазақстандық волейболшы Сәбина Алтынбекова туған жері Ақтөбеге оралды.
Бұл туралы оның Instagram парақшасына жүктелген сторисінен белгілі болды. Спортшының жариялаған фотосы сағат 23:03-те түсірілген. Онда сырттағы ауа температурасы +13°C болғаны көрсетілген. Бұл жайт оның дәл қазір туған топырағында жүргенін дәлелдейді.
Бұған дейін Сабина өзінің әлеуметтік желідегі жазбаларының бірінде "менің туған қалам — Алматы да, Астана да емес, Ақтөбе" деп жазған еді. Бұл мәлімдеме көпшілікті таңғалдырған болатын. Себебі ол кәсіби мансабының көп бөлігін елордада өткізген еді.
Сәбина Алтынбекова 1996 жылы Ақтөбеде дүниеге келген. Волейболдағы жолын 14 жасында бастады. Алғашқы командасы — "Қазхром" клубы, мұнда ол капитан болған. Кейінірек "Алматинка-Алматы" командасында ойнады және жастар құрамасының U-19 капитаны ретінде өнер көрсетті. U-23 ұлттық лигада да капитан болған тәжірибесі бар.
