Бағасы бір көлікке пара-пар: Леброн Джеймс «Монополия» ойынын шығарды

NBA аңызы Леброн Джеймс өзінің атымен брендтелген люкс-форматтағы «Монополия» ойынын жарыққа шығарды. Бағасы – 3 000 доллар! Бір таңқаларлығы, ол жанкүйерлер тарапынан өте жоғары сұранысқа ие болған. Эксклюзивті ойын толықтай сатылып кеткен.

Неге сонша қымбат?

Ойын туралы толық шолуды YouTube-блогер Эллиот Пэйдж жария етті. Оның айтуынша, бұл «Монополия» классикалық нұсқаның тек сәнді ғана емес, Леброн стиліндегі жаңартылған нұсқасы:

• Ойын тақтасы ағаш пен былғарыдан жасалған

• Фигуралар – акрилден, ал қонақ үйлер – Лебронның жеке логотипі бейнеленген алтын түстес металдан

• Құпия тартпалар мен алтын тұтқалы жәшіктер – карталар мен ақшаларға арналған
• Ақша «Bron Bucks» деп аталады
• Фигуралар – "Лейкерс" джерсиі, кроссовки, чемпиондық жүзік, доп

• Барлық жер атаулары Лебронның өмірі мен жобаларымен байланысты, мысалы, The LeBron James Family Foundation
• Карталар енді ‘Hidden Gems’ және ‘Not by Chance’ деп аталады

Бағасы – 3 000 доллар: бұл ақталды ма?

Сән мен эксклюзив үшін жанкүйерлер шамамен 1 500 000 теңгеден астам қаржы төледі. Ойын тек шектеулі тиражбен шыққан және бүгінде сатылымда жоқ. Бұл Леброн брендінің нарықтағы мықтылығын көрсететін тағы бір мысал.

Кроссовки де бірге шықты

Аталған үстел ойынымен қатар, «Монополия» стилінде екі жұп эксклюзивті кроссовки де шығарылды. Олар да Лебронның жанкүйерлері мен кроссовка коллекционерлері арасында үлкен сұранысқа ие болды.