Жамбыл обылсында ҚР Туризм және спорт министрлігінің жанындағы өңірлік спорт басқармаларының басшыларын іріктеу жөніндегі комиссия кезекті отырысын өткізді.
Комиссия мүшелері Лондон Олимпиадасының қола жүлдегері, қазіргі таңда Жамбыл облысы әкімдігіне қарасты №7 мамандандырылған балалар мен жасөспірімдер спорт мектебін басқарып отырған Ақжүрек Таңатаровтың кандидатурасын бірауыздан мақұлдады.
Талқылау барысында спортшының кәсіби тәжірибесі, басқарушылық әлеуеті және өңірлік спортты дамытуға қатысты көзқарасы жан-жақты сараланып, оң баға берілді.
Айта кетейік, өңірлік спорт басқармаларының басшыларын тағайындау процесі жергілікті атқарушы билік тарапынан ұсынылады. Соңғы шешімді ҚР Туризм және спорт министрлігі жанындағы комиссия қабылдайды.
Таңатаров Ақжүрек Достықұлы 1986 жылы 03 қыркүйекте дүниеге келген. Ұлты қазақ, білімі жоғары.
