Қазақстанның ең танымал волейболшысы Сәбина Алтынбекова алты жылдық үзілістен кейін туған елінде алаңға шығып, алғашқы жеңіске жетті. Ол жаңа клубы – «Астана» сапында Қазақстан кубогының ойынында Маңғыстау облысының командасынан басым түсті.
Кездесу Оралда өтті. «Астана» қарсыласын 3:1 есебімен тізе бүктірді (20:25; 25:18; 25:19; 25:18).
Алғашқы партияда маңғыстаулықтар алда болғанымен кейінгі үш партияда «Астана» толық басымдық көрсетті.
Бұл Сәбина Алтынбекованың Қазақстандағы алғашқы ресми ойыны болды. Соңғы рет ол 2019 жылы ел біріншілігінде «Алматы» клубының намысын қорғаған. Сол уақыттан бері спортшы Қазақстаннан тыс жерде кәсіби мансабын жалғастырды.
